Ramcharitmanas 20.1

भावी बस प्रतीति उर आई। पूँछ रानि पुनि सपथ देवाई।।
का पूछहुँ तुम्ह अबहुँ न जाना। निज हित अनहित पसु पहिचाना।।
भयउ पाखु दिन सजत समाजू। तुम्ह पाई सुधि मोहि सन आजू।।
खाइअ पहिरिअ राज तुम्हारें। सत्य कहें नहिं दोषु हमारें।।
जौं असत्य कछु कहब बनाई। तौ बिधि देइहि हमहि सजाई।।
रामहि तिलक कालि जौं भयऊ। तुम्ह कहुँ बिपति बीजु बिधि बयऊ।।
रेख खँचाइ कहउँ बलु भाषी। भामिनि भइहु दूध कइ माखी।।
जौं सुत सहित करहु सेवकाई। तौ घर रहहु न आन उपाई।।

Bhavi bas pratiti ur ai, punchh rani puni sapath devai
Ka puchhahun tumha abahun na jana, nij hit anahit pasu pahichana
Bhayau pakhu din sajat samaju, tumha pai sudhi mohi san aju
Khaia pahiria raj tumharen, satya kahen nahin doshu hamaren
Jaun asatya kachhu kahab banai, tau bidhi deihi hamahi sajai
Ramahi tilak kali jaun bhayau, tumha kahun bipati biju bidhi bayau
Rekh khanchai kahaum balu bhashi, bhamini bhaihu dudh kai makhi
Jaun sut sahit karahu sevakai, tau ghar rahahu na an upai

Whole chapter