Ramcharitmanas 2.1

जब तें रामु ब्याहि घर आए। नित नव मंगल मोद बधाए।।
भुवन चारिदस भूधर भारी। सुकृत मेघ बरषहि सुख बारी।।
रिधि सिधि संपति नदीं सुहाई। उमगि अवध अंबुधि कहुँ आई।।
मनिगन पुर नर नारि सुजाती। सुचि अमोल सुंदर सब भाँती।।
कहि न जाइ कछु नगर बिभूती। जनु एतनिअ बिरंचि करतूती।।
सब बिधि सब पुर लोग सुखारी। रामचंद मुख चंदु निहारी।।
मुदित मातु सब सखीं सहेली। फलित बिलोकि मनोरथ बेली।।
राम रूपु गुनसीलु सुभाऊ। प्रमुदित होइ देखि सुनि राऊ।।

Jab ten ramu byahi ghar ae, nit nav mangal mod badhae
Bhuvan charidas bhudhar bhari, sukrit megh barashahi sukh bari
Ridhi sidhi sampati nadin suhai, umagi avadh ambudhi kahun ai
Manigan pur nar nari sujati, suchi amol sundar sab bhanti
Kahi na jai kachhu nagar bibhuti, janu etania biranchi karatuti
Sab bidhi sab pur log sukhari, ramachand mukh chandu nihari
Mudit matu sab sakhin saheli, phalit biloki manorath beli
Ram rupu gunasilu subhau, pramudit hoi dekhi suni rau

Whole chapter