UtshovDoha 199
199.1
Chaupai
जहँ तहँ लोगन्ह डेरा कीन्हा। भरत सोधु सबही कर लीन्हा।।
सुर सेवा करि आयसु पाई। राम मातु पहिं गे दोउ भाई।।
चरन चाँपि कहि कहि मृदु बानी। जननीं सकल भरत सनमानी।।
भाइहि सौंपि मातु सेवकाई। आपु निषादहि लीन्ह बोलाई।।
चले सखा कर सों कर जोरें। सिथिल सरीर सनेह न थोरें।।
पूँछत सखहि सो ठाउँ देखाऊ। नेकु नयन मन जरनि जुड़ाऊ।।
जहँ सिय रामु लखनु निसि सोए। कहत भरे जल लोचन कोए।।
भरत बचन सुनि भयउ बिषादू। तुरत तहाँ लइ गयउ निषादू।।
Jaham taham loganha dera kinha, bharat sodhu sabahi kar linha
Sur seva kari ayasu pai, ram matu pahin ge dou bhai
Charan champi kahi kahi mridu bani, jananin sakal bharat sanamani
Bhaihi saumpi matu sevakai, apu nishadahi linha bolai
Chale sakha kar son kar joren, sithil sarir saneh na thoren
Punchhat sakhahi so thaum dekhau, neku nayan man jarani jurau
Jaham siy ramu lakhanu nisi soe, kahat bhare jal lochan koe
Bharat bachan suni bhayau bishadu, turat tahan lai gayau nishadu
199.2
Doha/soratha
जहँ सिंसुपा पुनीत तर रघुबर किय बिश्रामु।
अति सनेहँ सादर भरत कीन्हेउ दंड प्रनामु ॥198॥
Jaham sinsupa punit tar raghubar kiy bishramu
Ati saneham sadar bharat kinheu dand pranamu