Ramcharitmanas 192.1

बेगहु भाइहु सजहु सँजोऊ। सुनि रजाइ कदराइ न कोऊ।।
भलेहिं नाथ सब कहहिं सहरषा। एकहिं एक बढ़ावइ करषा।।
चले निषाद जोहारि जोहारी। सूर सकल रन रूचइ रारी।।
सुमिरि राम पद पंकज पनहीं। भाथीं बाँधि चढ़ाइन्हि धनहीं।।
अँगरी पहिरि कूँड़ि सिर धरहीं। फरसा बाँस सेल सम करहीं।।
एक कुसल अति ओड़न खाँड़े। कूदहि गगन मनहुँ छिति छाँड़े।।
निज निज साजु समाजु बनाई। गुह राउतहि जोहारे जाई।।
देखि सुभट सब लायक जाने। लै लै नाम सकल सनमाने।।

Begahu bhaihu sajahu sanjou, suni rajai kadarai na kou
Bhalehin nath sab kahahin saharasha, ekahin ek barhavai karasha
Chale nishad johari johari, sur sakal ran ruchai rari
Sumiri ram pad pankaj panahin, bhathin bandhi charhainhi dhanahin
Angari pahiri kunri sir dharahin, pharasa bans sel sam karahin
Ek kusal ati oran khanre, kudahi gagan manahun chhiti chhanre
Nij nij saju samaju banai, guh rautahi johare jai
Dekhi subhat sab layak jane, lai lai nam sakal sanamane

Whole chapter