Ramcharitmanas 19.1

चतुर गँभीर राम महतारी। बीचु पाइ निज बात सँवारी।।
पठए भरतु भूप ननिअउरें। राम मातु मत जानव रउरें।।
सेवहिं सकल सवति मोहि नीकें। गरबित भरत मातु बल पी कें।।
सालु तुम्हार कौसिलहि माई। कपट चतुर नहिं होइ जनाई।।
राजहि तुम्ह पर प्रेमु बिसेषी। सवति सुभाउ सकइ नहिं देखी।।
रची प्रंपचु भूपहि अपनाई। राम तिलक हित लगन धराई।।
यह कुल उचित राम कहुँ टीका। सबहि सोहाइ मोहि सुठि नीका।।
आगिलि बात समुझि डरु मोही। देउ दैउ फिरि सो फलु ओही।।

Chatur gambhir ram mahatari, bichu pai nij bat sanvari
Pathae bharatu bhup naniauren, ram matu mat janav rauren
Sevahin sakal savati mohi niken, garabit bharat matu bal pi ken
Salu tumhar kausilahi mai, kapat chatur nahin hoi janai
Rajahi tumha par premu biseshi, savati subhau sakai nahin dekhi
Rachi prampachu bhupahi apanai, ram tilak hit lagan dharai
Yah kul uchit ram kahun tika, sabahi sohai mohi suthi nika
Agili bat samujhi daru mohi, deu daiu phiri so phalu ohi

Whole chapter