UtshovDoha 189
189.1
Chaupai
राम दरस बस सब नर नारी। जनु करि करिनि चले तकि बारी।।
बन सिय रामु समुझि मन माहीं। सानुज भरत पयादेहिं जाहीं।।
देखि सनेहु लोग अनुरागे। उतरि चले हय गय रथ त्यागे।।
जाइ समीप राखि निज डोली। राम मातु मृदु बानी बोली।।
तात चढ़हु रथ बलि महतारी। होइहि प्रिय परिवारु दुखारी।।
तुम्हरें चलत चलिहि सबु लोगू। सकल सोक कृस नहिं मग जोगू।।
सिर धरि बचन चरन सिरु नाई। रथ चढ़ि चलत भए दोउ भाई।।
तमसा प्रथम दिवस करि बासू। दूसर गोमति तीर निवासू।।
Ram daras bas sab nar nari, janu kari karini chale taki bari
Ban siy ramu samujhi man mahin, sanuj bharat payadehin jahin
Dekhi sanehu log anurage, utari chale hay gay rath tyage
Jai samip rakhi nij doli, ram matu mridu bani boli
Tat charhahu rath bali mahatari, hoihi priy parivaru dukhari
Tumharen chalat chalihi sabu logu, sakal sok kris nahin mag jogu
Sir dhari bachan charan siru nai, rath charhi chalat bhae dou bhai
Tamasa pratham divas kari basu, dusar gomati tir nivasu
189.2
Doha/soratha
पय अहार फल असन एक निसि भोजन एक लोग।
करत राम हित नेम ब्रत परिहरि भूषन भोग ॥188॥
Pay ahar phal asan ek nisi bhojan ek log
Karat ram hit nem brat parihari bhushan bhog