Ramcharitmanas 186.1

भा सब कें मन मोदु न थोरा। जनु घन धुनि सुनि चातक मोरा।।
चलत प्रात लखि निरनउ नीके। भरतु प्रानप्रिय भे सबही के।।
मुनिहि बंदि भरतहि सिरु नाई। चले सकल घर बिदा कराई।।
धन्य भरत जीवनु जग माहीं। सीलु सनेहु सराहत जाहीं।।
कहहि परसपर भा बड़ काजू। सकल चलै कर साजहिं साजू।।
जेहि राखहिं रहु घर रखवारी। सो जानइ जनु गरदनि मारी।।
कोउ कह रहन कहिअ नहिं काहू। को न चहइ जग जीवन लाहू।।

Bha sab ken man modu na thora, janu ghan dhuni suni chatak mora
Chalat prat lakhi niranau nike, bharatu pranapriy bhe sabahi ke
Munihi bandi bharatahi siru nai, chale sakal ghar bida karai
Dhanya bharat jivanu jag mahin, silu sanehu sarahat jahin
Kahahi parasapar bha bar kaju, sakal chalai kar sajahin saju
Jehi rakhahin rahu ghar rakhavari, so janai janu garadani mari
Kou kah rahan kahia nahin kahu, ko na chahai jag jivan lahu

Whole chapter