UtshovDoha 154
154.1
Chaupai
तेहि अवसर रघुबर रूख पाई। केवट पारहि नाव चलाई।।
रघुकुलतिलक चले एहि भाँती। देखउँ ठाढ़ कुलिस धरि छाती।।
मैं आपन किमि कहौं कलेसू। जिअत फिरेउँ लेइ राम सँदेसू।।
अस कहि सचिव बचन रहि गयऊ। हानि गलानि सोच बस भयऊ।।
सुत बचन सुनतहिं नरनाहू। परेउ धरनि उर दारुन दाहू।।
तलफत बिषम मोह मन मापा। माजा मनहुँ मीन कहुँ ब्यापा।।
करि बिलाप सब रोवहिं रानी। महा बिपति किमि जाइ बखानी।।
सुनि बिलाप दुखहू दुखु लागा। धीरजहू कर धीरजु भागा।।
Tehi avasar raghubar rukh pai, kevat parahi nav chalai
Raghukulatilak chale ehi bhanti, dekhaum tharh kulis dhari chhati
Main apan kimi kahaun kalesu, jiat phireum lei ram sandesu
As kahi sachiv bachan rahi gayau, hani galani soch bas bhayau
Sut bachan sunatahin naranahu, pareu dharani ur darun dahu
Talaphat bisham moh man mapa, maja manahun min kahun byapa
Kari bilap sab rovahin rani, maha bipati kimi jai bakhani
Suni bilap dukhahu dukhu laga, dhirajahu kar dhiraju bhaga
154.2
Doha/soratha
भयउ कोलाहलु अवध अति सुनि नृप राउर सोरु।
बिपुल बिहग बन परेउ निसि मानहुँ कुलिस कठोरु ॥153॥
Bhayau kolahalu avadh ati suni nrip raur soru
Bipul bihag ban pareu nisi manahun kulis kathoru