UtshovDoha 152
152.1
Chaupai
केवट कीन्हि बहुत सेवकाई। सो जामिनि सिंगरौर गवाँई।।
होत प्रात बट छीरु मगावा। जटा मुकुट निज सीस बनावा।।
राम सखाँ तब नाव मगाई। प्रिया चढ़ाइ चढ़े रघुराई।।
लखन बान धनु धरे बनाई। आपु चढ़े प्रभु आयसु पाई।।
बिकल बिलोकि मोहि रघुबीरा। बोले मधुर बचन धरि धीरा।।
तात प्रनामु तात सन कहेहु। बार बार पद पंकज गहेहू।।
करबि पायँ परि बिनय बहोरी। तात करिअ जनि चिंता मोरी।।
बन मग मंगल कुसल हमारें। कृपा अनुग्रह पुन्य तुम्हारें।।
Kevat kinhi bahut sevakai, so jamini singaraur gavani
Hot prat bat chhiru magava, jata mukut nij sis banava
Ram sakhan tab nav magai, priya charhai charhe raghurai
Lakhan ban dhanu dhare banai, apu charhe prabhu ayasu pai
Bikal biloki mohi raghubira, bole madhur bachan dhari dhira
Tat pranamu tat san kahehu, bar bar pad pankaj gahehu
Karabi payam pari binay bahori, tat karia jani chinta mori
Ban mag mangal kusal hamaren, kripa anugrah punya tumharen
152.2
Chhand
तुम्हरे अनुग्रह तात कानन जात सब सुखु पाइहौं।
प्रतिपालि आयसु कुसल देखन पाय पुनि फिरि आइहौं।।
जननीं सकल परितोषि परि परि पायँ करि बिनती घनी।
तुलसी करेहु सोइ जतनु जेहिं कुसली रहहिं कोसल धनी।।
Tumhare anugrah tat kanan jat sab sukhu paihaun
Pratipali ayasu kusal dekhan paya puni phiri aihaun
Jananin sakal paritoshi pari pari payam kari binati ghani
Tulasi karehu soi jatanu jehin kusali rahahin kosal dhani
152.3
Doha/soratha
गुर सन कहब सँदेसु बार बार पद पदुम गहि।
करब सोइ उपदेसु जेहिं न सोच मोहि अवधपति ॥151॥
Gur san kahab sandesu bar bar pad padum gahi
Karab soi upadesu jehin na soch mohi avadhapati