Ramcharitmanas 147.1

पुछिहहिं दीन दुखित सब माता। कहब काह मैं तिन्हहि बिधाता।।
पूछिहि जबहिं लखन महतारी। कहिहउँ कवन सँदेस सुखारी।।
राम जननि जब आइहि धाई। सुमिरि बच्छु जिमि धेनु लवाई।।
पूँछत उतरु देब मैं तेही। गे बनु राम लखनु बैदेही।।
जोइ पूँछिहि तेहि ऊतरु देबा।जाइ अवध अब यहु सुखु लेबा।।
पूँछिहि जबहिं राउ दुख दीना। जिवनु जासु रघुनाथ अधीना।।
देहउँ उतरु कौनु मुहु लाई। आयउँ कुसल कुअँर पहुँचाई।।
सुनत लखन सिय राम सँदेसू। तृन जिमि तनु परिहरिहि नरेसू।।

Puchhihahin din dukhit sab mata, kahab kah main tinhahi bidhata
Puchhihi jabahin lakhan mahatari, kahihaum kavan sandes sukhari
Ram janani jab aihi dhai, sumiri bachchhu jimi dhenu lavai
Punchhat utaru deb main tehi, ge banu ram lakhanu baidehi
Joi punchhihi tehi utaru deba, jai avadh ab yahu sukhu leba
Punchhihi jabahin rau dukh dina, jivanu jasu raghunath adhina
Dehaum utaru kaunu muhu lai, ayaum kusal kuanr pahunchai
Sunat lakhan siy ram sandesu, trin jimi tanu pariharihi naresu

Whole chapter