UtshovDoha 146
146.1
Chaupai
जिमि कुलीन तिय साधु सयानी। पतिदेवता करम मन बानी।।
रहै करम बस परिहरि नाहू। सचिव हृदयँ तिमि दारुन दाहु।।
लोचन सजल डीठि भइ थोरी। सुनइ न श्रवन बिकल मति भोरी।।
सूखहिं अधर लागि मुहँ लाटी। जिउ न जाइ उर अवधि कपाटी।।
बिबरन भयउ न जाइ निहारी। मारेसि मनहुँ पिता महतारी।।
हानि गलानि बिपुल मन ब्यापी। जमपुर पंथ सोच जिमि पापी।।
बचनु न आव हृदयँ पछिताई। अवध काह मैं देखब जाई।।
राम रहित रथ देखिहि जोई। सकुचिहि मोहि बिलोकत सोई।।
Jimi kulin tiy sadhu sayani, patidevata karam man bani
Rahai karam bas parihari nahu, sachiv hridayam timi darun dahu
Lochan sajal dithi bhai thori, sunai na shravan bikal mati bhori
Sukhahin adhar lagi muham lati, jiu na jai ur avadhi kapati
Bibaran bhayau na jai nihari, maresi manahun pita mahatari
Hani galani bipul man byapi, jamapur panth soch jimi papi
Bachanu na av hridayam pachhitai, avadh kah main dekhab jai
Ram rahit rath dekhihi joi, sakuchihi mohi bilokat soi
146.2
Doha/soratha
-धाइ पूँछिहहिं मोहि जब बिकल नगर नर नारि।
उतरु देब मैं सबहि तब हृदयँ बज्रु बैठारि ॥145॥
-Dhai punchhihahin mohi jab bikal nagar nar nari
Utaru deb main sabahi tab hridayam bajru baithari