Ramcharitmanas 144.1

धरि धीरज तब कहइ निषादू। अब सुमंत्र परिहरहु बिषादू।।
तुम्ह पंडित परमारथ ग्याता। धरहु धीर लखि बिमुख बिधाता
बिबिध कथा कहि कहि मृदु बानी। रथ बैठारेउ बरबस आनी।।
सोक सिथिल रथ सकइ न हाँकी। रघुबर बिरह पीर उर बाँकी।।
चरफराहिं मग चलहिं न घोरे। बन मृग मनहुँ आनि रथ जोरे।।
अढ़ुकि परहिं फिरि हेरहिं पीछें। राम बियोगि बिकल दुख तीछें।।
जो कह रामु लखनु बैदेही। हिंकरि हिंकरि हित हेरहिं तेही।।
बाजि बिरह गति कहि किमि जाती। बिनु मनि फनिक बिकल जेहि भाँती।।

Dhari dhiraj tab kahai nishadu, ab sumantra pariharahu bishadu
Tumha pandit paramarath gyata, dharahu dhir lakhi bimukh bidhata
Bibidh katha kahi kahi mridu bani, rath baithareu barabas ani
Sok sithil rath sakai na hanki, raghubar birah pir ur banki
Charapharahin mag chalahin na ghore, ban mrig manahun ani rath jore
Arhuki parahin phiri herahin pichhen, ram biyogi bikal dukh tichhen
Jo kah ramu lakhanu baidehi, hinkari hinkari hit herahin tehi
Baji birah gati kahi kimi jati, binu mani phanik bikal jehi bhanti

Whole chapter