Ramcharitmanas 141.1

राम संग सिय रहति सुखारी। पुर परिजन गृह सुरति बिसारी।।
छिनु छिनु पिय बिधु बदनु निहारी। प्रमुदित मनहुँ चकोरकुमारी।।
नाह नेहु नित बढ़त बिलोकी। हरषित रहति दिवस जिमि कोकी।।
सिय मनु राम चरन अनुरागा। अवध सहस सम बनु प्रिय लागा।।
परनकुटी प्रिय प्रियतम संगा। प्रिय परिवारु कुरंग बिहंगा।।
सासु ससुर सम मुनितिय मुनिबर। असनु अमिअ सम कंद मूल फर।।
नाथ साथ साँथरी सुहाई। मयन सयन सय सम सुखदाई।।
लोकप होहिं बिलोकत जासू। तेहि कि मोहि सक बिषय बिलासू।।

Ram sang siy rahati sukhari, pur parijan grih surati bisari
Chhinu chhinu piy bidhu badanu nihari, pramudit manahun chakorakumari
Nah nehu nit barhat biloki, harashit rahati divas jimi koki
Siy manu ram charan anuraga, avadh sahas sam banu priy laga
Paranakuti priy priyatam sanga, priy parivaru kurang bihanga
Sasu sasur sam munitiy munibar, asanu amia sam kand mul phar
Nath sath santhari suhai, mayan sayan say sam sukhadai
Lokap hohin bilokat jasu, tehi ki mohi sak bishay bilasu

Whole chapter