UtshovDoha 14
14.1
Chaupai
दीख मंथरा नगरु बनावा। मंजुल मंगल बाज बधावा।।
पूछेसि लोगन्ह काह उछाहू। राम तिलकु सुनि भा उर दाहू।।
करइ बिचारु कुबुद्धि कुजाती। होइ अकाजु कवनि बिधि राती।।
देखि लागि मधु कुटिल किराती। जिमि गवँ तकइ लेउँ केहि भाँती।।
भरत मातु पहिं गइ बिलखानी। का अनमनि हसि कह हँसि रानी।।
ऊतरु देइ न लेइ उसासू। नारि चरित करि ढारइ आँसू।।
हँसि कह रानि गालु बड़ तोरें। दीन्ह लखन सिख अस मन मोरें।।
तबहुँ न बोल चेरि बड़ि पापिनि। छाड़इ स्वास कारि जनु साँपिनि।।
Dikh manthara nagaru banava, manjul mangal baj badhava
Puchhesi loganha kah uchhahu, ram tilaku suni bha ur dahu
Karai bicharu kubuddhi kujati, hoi akaju kavani bidhi rati
Dekhi lagi madhu kutil kirati, jimi gavam takai leum kehi bhanti
Bharat matu pahin gai bilakhani, ka anamani hasi kah hansi rani
Utaru dei na lei usasu, nari charit kari dharai ansu
Hansi kah rani galu bar toren, dinha lakhan sikh as man moren
Tabahun na bol cheri bari papini, chharai svas kari janu sampini
14.2
Doha/soratha
सभय रानि कह कहसि किन कुसल रामु महिपालु।
लखनु भरतु रिपुदमनु सुनि भा कुबरी उर सालु ॥13॥
Sabhay rani kah kahasi kin kusal ramu mahipalu
Lakhanu bharatu ripudamanu suni bha kubari ur salu