Ramcharitmanas 134.1

रघुबर कहेउ लखन भल घाटू। करहु कतहुँ अब ठाहर ठाटू।।
लखन दीख पय उतर करारा। चहुँ दिसि फिरेउ धनुष जिमि नारा।।
नदी पनच सर सम दम दाना। सकल कलुष कलि साउज नाना।।
चित्रकूट जनु अचल अहेरी। चुकइ न घात मार मुठभेरी।।
अस कहि लखन ठाउँ देखरावा। थलु बिलोकि रघुबर सुखु पावा।।
रमेउ राम मनु देवन्ह जाना। चले सहित सुर थपति प्रधाना।।
कोल किरात बेष सब आए। रचे परन तृन सदन सुहाए।।
बरनि न जाहि मंजु दुइ साला। एक ललित लघु एक बिसाला।।

Raghubar kaheu lakhan bhal ghatu, karahu katahun ab thahar thatu
Lakhan dikh pay utar karara, chahun disi phireu dhanush jimi nara
Nadi panach sar sam dam dana, sakal kalush kali sauj nana
Chitrakut janu achal aheri, chukai na ghat mar muthabheri
As kahi lakhan thaum dekharava, thalu biloki raghubar sukhu pava
Rameu ram manu devanha jana, chale sahit sur thapati pradhana
Kol kirat besh sab ae, rache paran trin sadan suhae
Barani na jahi manju dui sala, ek lalit laghu ek bisala

Whole chapter