UtshovDoha 129
129.1
Chaupai
सुनि मुनि बचन प्रेम रस साने। सकुचि राम मन महुँ मुसुकाने।।
बालमीकि हँसि कहहिं बहोरी। बानी मधुर अमिअ रस बोरी।।
सुनहु राम अब कहउँ निकेता। जहाँ बसहु सिय लखन समेता।।
जिन्ह के श्रवन समुद्र समाना। कथा तुम्हारि सुभग सरि नाना।।
भरहिं निरंतर होहिं न पूरे। तिन्ह के हिय तुम्ह कहुँ गृह रूरे।।
लोचन चातक जिन्ह करि राखे। रहहिं दरस जलधर अभिलाषे।।
निदरहिं सरित सिंधु सर भारी। रूप बिंदु जल होहिं सुखारी।।
तिन्ह के हृदय सदन सुखदायक। बसहु बंधु सिय सह रघुनायक।।
Suni muni bachan prem ras sane, sakuchi ram man mahun musukane
Balamiki hansi kahahin bahori, bani madhur amia ras bori
Sunahu ram ab kahaum niketa, jahan basahu siy lakhan sameta
Jinha ke shravan samudra samana, katha tumhari subhag sari nana
Bharahin nirantar hohin na pure, tinha ke hiy tumha kahun grih rure
Lochan chatak jinha kari rakhe, rahahin daras jaladhar abhilashe
Nidarahin sarit sindhu sar bhari, rup bindu jal hohin sukhari
Tinha ke hriday sadan sukhadayak, basahu bandhu siy sah raghunayak
129.2
Doha/soratha
जसु तुम्हार मानस बिमल हंसिनि जीहा जासु।
मुकुताहल गुन गन चुनइ राम बसहु हियँ तासु ॥128॥
Jasu tumhar manas bimal hansini jiha jasu
Mukutahal gun gan chunai ram basahu hiyam tasu