Ramcharitmanas 124.1

आगे रामु लखनु बने पाछें। तापस बेष बिराजत काछें।।
उभय बीच सिय सोहति कैसे। ब्रह्म जीव बिच माया जैसे।।
बहुरि कहउँ छबि जसि मन बसई। जनु मधु मदन मध्य रति लसई।।
उपमा बहुरि कहउँ जियँ जोही। जनु बुध बिधु बिच रोहिनि सोही।।
प्रभु पद रेख बीच बिच सीता। धरति चरन मग चलति सभीता।।
सीय राम पद अंक बराएँ। लखन चलहिं मगु दाहिन लाएँ।।
राम लखन सिय प्रीति सुहाई। बचन अगोचर किमि कहि जाई।।
खग मृग मगन देखि छबि होहीं। लिए चोरि चित राम बटोहीं।।

Age ramu lakhanu bane pachhen, tapas besh birajat kachhen
Ubhay bich siy sohati kaise, brahma jiv bich maya jaise
Bahuri kahaum chhabi jasi man basai, janu madhu madan madhya rati lasai
Upama bahuri kahaum jiyam johi, janu budh bidhu bich rohini sohi
Prabhu pad rekh bich bich sita, dharati charan mag chalati sabhita
Siy ram pad ank baraem, lakhan chalahin magu dahin laem
Ram lakhan siy priti suhai, bachan agochar kimi kahi jai
Khag mrig magan dekhi chhabi hohin, lie chori chit ram batohin

Whole chapter