UtshovDoha 123
123.1
Chaupai
गाँव गाँव अस होइ अनंदू। देखि भानुकुल कैरव चंदू।।
जे कछु समाचार सुनि पावहिं। ते नृप रानिहि दोसु लगावहिं।।
कहहिं एक अति भल नरनाहू। दीन्ह हमहि जोइ लोचन लाहू।।
कहहिं परस्पर लोग लोगाईं। बातें सरल सनेह सुहाईं।।
ते पितु मातु धन्य जिन्ह जाए। धन्य सो नगरु जहाँ तें आए।।
धन्य सो देसु सैलु बन गाऊँ। जहँ जहँ जाहिं धन्य सोइ ठाऊँ।।
सुख पायउ बिरंचि रचि तेही। ए जेहि के सब भाँति सनेही।।
राम लखन पथि कथा सुहाई। रही सकल मग कानन छाई।।
Ganv ganv as hoi anandu, dekhi bhanukul kairav chandu
Je kachhu samachar suni pavahin, te nrip ranihi dosu lagavahin
Kahahin ek ati bhal naranahu, dinha hamahi joi lochan lahu
Kahahin paraspar log logaim, baten saral saneh suhaim
Te pitu matu dhanya jinha jae, dhanya so nagaru jahan ten ae
Dhanya so desu sailu ban gaum, jaham jaham jahin dhanya soi thaum
Sukh payau biranchi rachi tehi, e jehi ke sab bhanti sanehi
Ram lakhan pathi katha suhai, rahi sakal mag kanan chhai
123.2
Doha/soratha
एहि बिधि रघुकुल कमल रबि मग लोगन्ह सुख देत।
जाहिं चले देखत बिपिन सिय सौमित्रि समेत ॥122॥
Ehi bidhi raghukul kamal rabi mag loganha sukh det
Jahin chale dekhat bipin siy saumitri samet