UtshovDoha 120
120.1
Chaupai
फिरत नारि नर अति पछिताहीं। देअहि दोषु देहिं मन माहीं।।
सहित बिषाद परसपर कहहीं। बिधि करतब उलटे सब अहहीं।।
निपट निरंकुस निठुर निसंकू। जेहिं ससि कीन्ह सरुज सकलंकू।।
रूख कलपतरु सागरु खारा। तेहिं पठए बन राजकुमारा।।
जौं पे इन्हहि दीन्ह बनबासू। कीन्ह बादि बिधि भोग बिलासू।।
ए बिचरहिं मग बिनु पदत्राना। रचे बादि बिधि बाहन नाना।।
ए महि परहिं डासि कुस पाता। सुभग सेज कत सृजत बिधाता।।
तरुबर बास इन्हहि बिधि दीन्हा। धवल धाम रचि रचि श्रमु कीन्हा।।
Phirat nari nar ati pachhitahin, deahi doshu dehin man mahin
Sahit bishad parasapar kahahin, bidhi karatab ulate sab ahahin
Nipat nirankus nithur nisanku, jehin sasi kinha saruj sakalanku
Rukh kalapataru sagaru khara, tehin pathae ban rajakumara
Jaun pe inhahi dinha banabasu, kinha badi bidhi bhog bilasu
E bicharahin mag binu padatrana, rache badi bidhi bahan nana
E mahi parahin dasi kus pata, subhag sej kat srijat bidhata
Tarubar bas inhahi bidhi dinha, dhaval dham rachi rachi shramu kinha
120.2
Doha/soratha
जौं ए मुनि पट धर जटिल सुंदर सुठि सुकुमार।
बिबिध भाँति भूषन बसन बादि किए करतार ॥119॥
Jaun e muni pat dhar jatil sundar suthi sukumar
Bibidh bhanti bhushan basan badi kie karatar