UtshovDoha 118
118.1
Chaupai
कोटि मनोज लजावनिहारे। सुमुखि कहहु को आहिं तुम्हारे।।
सुनि सनेहमय मंजुल बानी। सकुची सिय मन महुँ मुसुकानी।।
तिन्हहि बिलोकि बिलोकति धरनी। दुहुँ सकोच सकुचित बरबरनी।।
सकुचि सप्रेम बाल मृग नयनी। बोली मधुर बचन पिकबयनी।।
सहज सुभाय सुभग तन गोरे। नामु लखनु लघु देवर मोरे।।
बहुरि बदनु बिधु अंचल ढाँकी। पिय तन चितइ भौंह करि बाँकी।।
खंजन मंजु तिरीछे नयननि। निज पति कहेउ तिन्हहि सियँ सयननि।।
भइ मुदित सब ग्रामबधूटीं। रंकन्ह राय रासि जनु लूटीं।।
Koti manoj lajavanihare, sumukhi kahahu ko ahin tumhare
Suni sanehamay manjul bani, sakuchi siy man mahun musukani
Tinhahi biloki bilokati dharani, duhun sakoch sakuchit barabarani
Sakuchi saprem bal mrig nayani, boli madhur bachan pikabayani
Sahaj subhaya subhag tan gore, namu lakhanu laghu devar more
Bahuri badanu bidhu anchal dhanki, piy tan chitai bhaunh kari banki
Khanjan manju tirichhe nayanani, nij pati kaheu tinhahi siyam sayanani
Bhai mudit sab gramabadhutin, rankanha raya rasi janu lutin
118.2
Doha/soratha
अति सप्रेम सिय पायँ परि बहुबिधि देहिं असीस।
सदा सोहागिनि होहु तुम्ह जब लगि महि अहि सीस ॥117॥
Ati saprem siy payam pari bahubidhi dehin asis
Sada sohagini hohu tumha jab lagi mahi ahi sis