Ramcharitmanas 117.1

बरनि न जाइ मनोहर जोरी। सोभा बहुत थोरि मति मोरी।।
राम लखन सिय सुंदरताई। सब चितवहिं चित मन मति लाई।।
थके नारि नर प्रेम पिआसे। मनहुँ मृगी मृग देखि दिआ से।।
सीय समीप ग्रामतिय जाहीं। पूँछत अति सनेहँ सकुचाहीं।।
बार बार सब लागहिं पाएँ। कहहिं बचन मृदु सरल सुभाएँ।।
राजकुमारि बिनय हम करहीं। तिय सुभायँ कछु पूँछत डरहीं।
स्वामिनि अबिनय छमबि हमारी। बिलगु न मानब जानि गवाँरी।।
राजकुअँर दोउ सहज सलोने। इन्ह तें लही दुति मरकत सोने।।

Barani na jai manohar jori, sobha bahut thori mati mori
Ram lakhan siy sundaratai, sab chitavahin chit man mati lai
Thake nari nar prem piase, manahun mrigi mrig dekhi dia se
Siy samip gramatiy jahin, punchhat ati saneham sakuchahin
Bar bar sab lagahin paem, kahahin bachan mridu saral subhaem
Rajakumari binay ham karahin, tiy subhayam kachhu punchhat darahin
Svamini abinay chhamabi hamari, bilagu na manab jani gavanri
Rajakuanr dou sahaj salone, inha ten lahi duti marakat sone

Whole chapter