Ramcharitmanas 102.1

कृपासिंधु बोले मुसुकाई। सोइ करु जेंहि तव नाव न जाई।।
वेगि आनु जल पाय पखारू। होत बिलंबु उतारहि पारू।।
जासु नाम सुमरत एक बारा। उतरहिं नर भवसिंधु अपारा।।
सोइ कृपालु केवटहि निहोरा। जेहिं जगु किय तिहु पगहु ते थोरा।।
पद नख निरखि देवसरि हरषी। सुनि प्रभु बचन मोहँ मति करषी।।
केवट राम रजायसु पावा। पानि कठवता भरि लेइ आवा।।
अति आनंद उमगि अनुरागा। चरन सरोज पखारन लागा।।
बरषि सुमन सुर सकल सिहाहीं। एहि सम पुन्यपुंज कोउ नाहीं।।

Kripasindhu bole musukai, soi karu jenhi tav nav na jai
Vegi anu jal paya pakharu, hot bilambu utarahi paru
Jasu nam sumarat ek bara, utarahin nar bhavasindhu apara
Soi kripalu kevatahi nihora, jehin jagu kiy tihu pagahu te thora
Pad nakh nirakhi devasari harashi, suni prabhu bachan moham mati karashi
Kevat ram rajayasu pava, pani kathavata bhari lei ava
Ati anand umagi anuraga, charan saroj pakharan laga
Barashi suman sur sakal sihahin, ehi sam punyapunj kou nahin

Whole chapter