UtshovDoha 10
10.1
Chaupai
तब नरनाहँ बसिष्ठु बोलाए। रामधाम सिख देन पठाए।।
गुर आगमनु सुनत रघुनाथा। द्वार आइ पद नायउ माथा।।
सादर अरघ देइ घर आने। सोरह भाँति पूजि सनमाने।।
गहे चरन सिय सहित बहोरी। बोले रामु कमल कर जोरी।।
सेवक सदन स्वामि आगमनू। मंगल मूल अमंगल दमनू।।
तदपि उचित जनु बोलि सप्रीती। पठइअ काज नाथ असि नीती।।
प्रभुता तजि प्रभु कीन्ह सनेहू। भयउ पुनीत आजु यहु गेहू।।
आयसु होइ सो करौं गोसाई। सेवक लहइ स्वामि सेवकाई।।
Tab naranaham basishthu bolae, ramadham sikh den pathae
Gur agamanu sunat raghunatha, dvar ai pad nayau matha
Sadar aragh dei ghar ane, sorah bhanti puji sanamane
Gahe charan siy sahit bahori, bole ramu kamal kar jori
Sevak sadan svami agamanu, mangal mul amangal damanu
Tadapi uchit janu boli sapriti, pathaia kaj nath asi niti
Prabhuta taji prabhu kinha sanehu, bhayau punit aju yahu gehu
Ayasu hoi so karaun gosai, sevak lahai svami sevakai
10.2
Doha/soratha
सुनि सनेह साने बचन मुनि रघुबरहि प्रसंस।
राम कस न तुम्ह कहहु अस हंस बंस अवतंस ॥9॥
Suni saneh sane bachan muni raghubarahi prasans
Ram kas na tumha kahahu as hans bans avatans