UtshovDoha 91
91.1
Chaupai
सुनि बोलीं मुसकाइ भवानी। उचित कहेहु मुनिबर बिग्यानी।।
तुम्हरें जान कामु अब जारा। अब लगि संभु रहे सबिकारा।।
हमरें जान सदा सिव जोगी। अज अनवद्य अकाम अभोगी।।
जौं मैं सिव सेये अस जानी। प्रीति समेत कर्म मन बानी।।
तौ हमार पन सुनहु मुनीसा। करिहहिं सत्य कृपानिधि ईसा।।
तुम्ह जो कहा हर जारेउ मारा। सोइ अति बड़ अबिबेकु तुम्हारा।।
तात अनल कर सहज सुभाऊ। हिम तेहि निकट जाइ नहिं काऊ।।
गएँ समीप सो अवसि नसाई। असि मन्मथ महेस की नाई।।
Suni bolin musakai bhavani, uchit kahehu munibar bigyani
Tumharen jan kamu ab jara, ab lagi sambhu rahe sabikara
Hamaren jan sada siv jogi, aj anavadya akam abhogi
Jaun main siv seye as jani, priti samet karma man bani
Tau hamar pan sunahu munisa, karihahin satya kripanidhi isa
Tumha jo kaha har jareu mara, soi ati bar abibeku tumhara
Tat anal kar sahaj subhau, him tehi nikat jai nahin kau
Gaem samip so avasi nasai, asi manmath mahes ki nai
91.2
Doha/soratha
हियँ हरषे मुनि बचन सुनि देखि प्रीति बिस्वास।।
चले भवानिहि नाइ सिर गए हिमाचल पास ॥90॥
Hiyam harashe muni bachan suni dekhi priti bisvas
Chale bhavanihi nai sir gae himachal pas