UtshovDoha 59
59.1
Chaupai
हृदयँ सोचु समुझत निज करनी। चिंता अमित जाइ नहि बरनी।।
कृपासिंधु सिव परम अगाधा। प्रगट न कहेउ मोर अपराधा।।
संकर रुख अवलोकि भवानी। प्रभु मोहि तजेउ हृदयँ अकुलानी।।
निज अघ समुझि न कछु कहि जाई। तपइ अवाँ इव उर अधिकाई।।
सतिहि ससोच जानि बृषकेतू। कहीं कथा सुंदर सुख हेतू।।
बरनत पंथ बिबिध इतिहासा। बिस्वनाथ पहुँचे कैलासा।।
तहँ पुनि संभु समुझि पन आपन। बैठे बट तर करि कमलासन।।
संकर सहज सरुप सम्हारा। लागि समाधि अखंड अपारा।।
Hridayam sochu samujhat nij karani, chinta amit jai nahi barani
Kripasindhu siv param agadha, pragat na kaheu mor aparadha
Sankar rukh avaloki bhavani, prabhu mohi tajeu hridayam akulani
Nij agh samujhi na kachhu kahi jai, tapai avan iv ur adhikai
Satihi sasoch jani brishaketu, kahin katha sundar sukh hetu
Baranat panth bibidh itihasa, bisvanath pahunche kailasa
Taham puni sambhu samujhi pan apan, baithe bat tar kari kamalasan
Sankar sahaj sarup samhara, lagi samadhi akhand apara
59.2
Doha/soratha
सती बसहि कैलास तब अधिक सोचु मन माहिं।
मरमु न कोऊ जान कछु जुग सम दिवस सिराहिं ॥58॥
Sati basahi kailas tab adhik sochu man mahin
Maramu na kou jan kachhu jug sam divas sirahin