UtshovDoha 44
44.1
Chaupai
आरति बिनय दीनता मोरी। लघुता ललित सुबारि न थोरी।।
अदभुत सलिल सुनत गुनकारी। आस पिआस मनोमल हारी।।
राम सुप्रेमहि पोषत पानी। हरत सकल कलि कलुष गलानी।।
भव श्रम सोषक तोषक तोषा। समन दुरित दुख दारिद दोषा।।
काम कोह मद मोह नसावन। बिमल बिबेक बिराग बढ़ावन।।
सादर मज्जन पान किए तें। मिटहिं पाप परिताप हिए तें।।
जिन्ह एहि बारि न मानस धोए। ते कायर कलिकाल बिगोए।।
तृषित निरखि रबि कर भव बारी। फिरिहहि मृग जिमि जीव दुखारी।।
Arati binay dinata mori, laghuta lalit subari na thori
Adabhut salil sunat gunakari, as pias manomal hari
Ram supremahi poshat pani, harat sakal kali kalush galani
Bhav shram soshak toshak tosha, saman durit dukh darid dosha
Kam koh mad moh nasavan, bimal bibek birag barhavan
Sadar majjan pan kie ten, mitahin pap paritap hie ten
Jinha ehi bari na manas dhoe, te kayar kalikal bigoe
Trishit nirakhi rabi kar bhav bari, phirihahi mrig jimi jiv dukhari
44.2
Doha/soratha
मति अनुहारि सुबारि गुन गनि मन अन्हवाइ।
सुमिरि भवानी संकरहि कह कबि कथा सुहाइ ॥43(क)॥
Mati anuhari subari gun gani man anhavai
Sumiri bhavani sankarahi kah kabi katha suhai, 43(ka)
44.3
Doha/soratha
अब रघुपति पद पंकरुह हियँ धरि पाइ प्रसाद ।
कहउँ जुगल मुनिबर्ज कर मिलन सुभग संबाद ॥43(ख)॥
Ab raghupati pad pankaruh hiyam dhari pai prasad
Kahaum jugal munibarja kar milan subhag sambad, 43(kh)