UtshovDoha 42
42.1
Chaupai
सीय स्वयंबर कथा सुहाई। सरित सुहावनि सो छबि छाई।।
नदी नाव पटु प्रस्न अनेका। केवट कुसल उतर सबिबेका।।
सुनि अनुकथन परस्पर होई। पथिक समाज सोह सरि सोई।।
घोर धार भृगुनाथ रिसानी। घाट सुबद्ध राम बर बानी।।
सानुज राम बिबाह उछाहू। सो सुभ उमग सुखद सब काहू।।
कहत सुनत हरषहिं पुलकाहीं। ते सुकृती मन मुदित नहाहीं।।
राम तिलक हित मंगल साजा। परब जोग जनु जुरे समाजा।।
काई कुमति केकई केरी। परी जासु फल बिपति घनेरी।।
Siy svayambar katha suhai, sarit suhavani so chhabi chhai
Nadi nav patu prasna aneka, kevat kusal utar sabibeka
Suni anukathan paraspar hoi, pathik samaj soh sari soi
Ghor dhar bhrigunath risani, ghat subaddha ram bar bani
Sanuj ram bibah uchhahu, so subh umag sukhad sab kahu
Kahat sunat harashahin pulakahin, te sukriti man mudit nahahin
Ram tilak hit mangal saja, parab jog janu jure samaja
Kai kumati kekai keri, pari jasu phal bipati ghaneri
42.2
Doha/soratha
समन अमित उतपात सब भरतचरित जपजाग।
कलि अघ खल अवगुन कथन ते जलमल बग काग ॥41॥
Saman amit utapat sab bharatacharit japajag
Kali agh khal avagun kathan te jalamal bag kag