UtshovDoha 362
362.1
Chaupai
बामदेव रघुकुल गुर ग्यानी। बहुरि गाधिसुत कथा बखानी।।
सुनि मुनि सुजसु मनहिं मन राऊ। बरनत आपन पुन्य प्रभाऊ।।
बहुरे लोग रजायसु भयऊ। सुतन्ह समेत नृपति गृहँ गयऊ।।
जहँ तहँ राम ब्याहु सबु गावा। सुजसु पुनीत लोक तिहुँ छावा।।
आए ब्याहि रामु घर जब तें। बसइ अनंद अवध सब तब तें।।
प्रभु बिबाहँ जस भयउ उछाहू। सकहिं न बरनि गिरा अहिनाहू।।
कबिकुल जीवनु पावन जानी।।राम सीय जसु मंगल खानी।।
तेहि ते मैं कछु कहा बखानी। करन पुनीत हेतु निज बानी।।
Bamadev raghukul gur gyani, bahuri gadhisut katha bakhani
Suni muni sujasu manahin man rau, baranat apan punya prabhau
Bahure log rajayasu bhayau, sutanha samet nripati griham gayau
Jaham taham ram byahu sabu gava, sujasu punit lok tihun chhava
Ae byahi ramu ghar jab ten, basai anand avadh sab tab ten
Prabhu bibaham jas bhayau uchhahu, sakahin na barani gira ahinahu
Kabikul jivanu pavan jani, ram siy jasu mangal khani
Tehi te main kachhu kaha bakhani, karan punit hetu nij bani
362.2
Chhand
निज गिरा पावनि करन कारन राम जसु तुलसी कह्यो।
रघुबीर चरित अपार बारिधि पारु कबि कौनें लह्यो।।
उपबीत ब्याह उछाह मंगल सुनि जे सादर गावहीं।
बैदेहि राम प्रसाद ते जन सर्बदा सुखु पावहीं।।
Nij gira pavani karan karan ram jasu tulasi kahyo
Raghubir charit apar baridhi paru kabi kaunen lahyo
Upabit byah uchhah mangal suni je sadar gavahin
Baidehi ram prasad te jan sarbada sukhu pavahin
362.3
Doha/soratha
सिय रघुबीर बिबाहु जे सप्रेम गावहिं सुनहिं।
तिन्ह कहुँ सदा उछाहु मंगलायतन राम जसु ॥361॥
Siy raghubir bibahu je saprem gavahin sunahin
Tinha kahun sada uchhahu mangalayatan ram jasu