UtshovDoha 36
36.1
Chaupai
दरस परस मज्जन अरु पाना। हरइ पाप कह बेद पुराना।।
नदी पुनीत अमित महिमा अति। कहि न सकइ सारद बिमलमति।।
राम धामदा पुरी सुहावनि। लोक समस्त बिदित अति पावनि।।
चारि खानि जग जीव अपारा। अवध तजे तनु नहि संसारा।।
सब बिधि पुरी मनोहर जानी। सकल सिद्धिप्रद मंगल खानी।।
बिमल कथा कर कीन्ह अरंभा। सुनत नसाहिं काम मद दंभा।।
रामचरितमानस एहि नामा। सुनत श्रवन पाइअ बिश्रामा।।
मन करि विषय अनल बन जरई। होइ सुखी जौ एहिं सर परई।।
रामचरितमानस मुनि भावन। बिरचेउ संभु सुहावन पावन।।
त्रिबिध दोष दुख दारिद दावन। कलि कुचालि कुलि कलुष नसावन।।
रचि महेस निज मानस राखा। पाइ सुसमउ सिवा सन भाषा।।
तातें रामचरितमानस बर। धरेउ नाम हियँ हेरि हरषि हर।।
कहउँ कथा सोइ सुखद सुहाई। सादर सुनहु सुजन मन लाई।।
Daras paras majjan aru pana, harai pap kah bed purana
Nadi punit amit mahima ati, kahi na sakai sarad bimalamati
Ram dhamada puri suhavani, lok samasta bidit ati pavani
Chari khani jag jiv apara, avadh taje tanu nahi sansara
Sab bidhi puri manohar jani, sakal siddhiprad mangal khani
Bimal katha kar kinha arambha, sunat nasahin kam mad dambha
Ramacharitamanas ehi nama, sunat shravan paia bishrama
Man kari vishay anal ban jarai, hoi sukhi jau ehin sar parai
Ramacharitamanas muni bhavan, biracheu sambhu suhavan pavan
Tribidh dosh dukh darid davan, kali kuchali kuli kalush nasavan
Rachi mahes nij manas rakha, pai susamau siva san bhasha
Taten ramacharitamanas bar, dhareu nam hiyam heri harashi har
Kahaum katha soi sukhad suhai, sadar sunahu sujan man lai
36.2
Doha/soratha
जस मानस जेहि बिधि भयउ जग प्रचार जेहि हेतु।
अब सोइ कहउँ प्रसंग सब सुमिरि उमा बृषकेतु ॥35॥
Jas manas jehi bidhi bhayau jag prachar jehi hetu
Ab soi kahaum prasang sab sumiri uma brishaketu