UtshovDoha 349
349.1
Chaupai
मागध सूत बंदि नट नागर। गावहिं जसु तिहु लोक उजागर।।
जय धुनि बिमल बेद बर बानी। दस दिसि सुनिअ सुमंगल सानी।।
बिपुल बाजने बाजन लागे। नभ सुर नगर लोग अनुरागे।।
बने बराती बरनि न जाहीं। महा मुदित मन सुख न समाहीं।।
पुरबासिन्ह तब राय जोहारे। देखत रामहि भए सुखारे।।
करहिं निछावरि मनिगन चीरा। बारि बिलोचन पुलक सरीरा।।
आरति करहिं मुदित पुर नारी। हरषहिं निरखि कुँअर बर चारी।।
सिबिका सुभग ओहार उघारी। देखि दुलहिनिन्ह होहिं सुखारी।।
Magadh sut bandi nat nagar, gavahin jasu tihu lok ujagar
Jay dhuni bimal bed bar bani, das disi sunia sumangal sani
Bipul bajane bajan lage, nabh sur nagar log anurage
Bane barati barani na jahin, maha mudit man sukh na samahin
Purabasinha tab raya johare, dekhat ramahi bhae sukhare
Karahin nichhavari manigan chira, bari bilochan pulak sarira
Arati karahin mudit pur nari, harashahin nirakhi kunar bar chari
Sibika subhag ohar ughari, dekhi dulahininha hohin sukhari
349.2
Doha/soratha
एहि बिधि सबही देत सुखु आए राजदुआर।
मुदित मातु परुछनि करहिं बधुन्ह समेत कुमार ॥348॥
Ehi bidhi sabahi det sukhu ae rajaduar
Mudit matu paruchhani karahin badhunha samet kumar