Ramcharitmanas 335.1

सबु समाजु एहि भाँति बनाई। जनक अवधपुर दीन्ह पठाई।।
चलिहि बरात सुनत सब रानीं। बिकल मीनगन जनु लघु पानीं।।
पुनि पुनि सीय गोद करि लेहीं। देइ असीस सिखावनु देहीं।।
होएहु संतत पियहि पिआरी। चिरु अहिबात असीस हमारी।।
सासु ससुर गुर सेवा करेहू। पति रुख लखि आयसु अनुसरेहू।।
अति सनेह बस सखीं सयानी। नारि धरम सिखवहिं मृदु बानी।।
सादर सकल कुअँरि समुझाई। रानिन्ह बार बार उर लाई।।
बहुरि बहुरि भेटहिं महतारीं। कहहिं बिरंचि रचीं कत नारीं।।

Sabu samaju ehi bhanti banai, janak avadhapur dinha pathai
Chalihi barat sunat sab ranin, bikal minagan janu laghu panin
Puni puni siy god kari lehin, dei asis sikhavanu dehin
Hoehu santat piyahi piari, chiru ahibat asis hamari
Sasu sasur gur seva karehu, pati rukh lakhi ayasu anusarehu
Ati saneh bas sakhin sayani, nari dharam sikhavahin mridu bani
Sadar sakal kuanri samujhai, raninha bar bar ur lai
Bahuri bahuri bhetahin mahatarin, kahahin biranchi rachin kat narin

Whole chapter