UtshovDoha 334
334.1
Chaupai
पुरबासी सुनि चलिहि बराता। बूझत बिकल परस्पर बाता।।
सत्य गवनु सुनि सब बिलखाने। मनहुँ साँझ सरसिज सकुचाने।।
जहँ जहँ आवत बसे बराती। तहँ तहँ सिद्ध चला बहु भाँती।।
बिबिध भाँति मेवा पकवाना। भोजन साजु न जाइ बखाना।।
भरि भरि बसहँ अपार कहारा। पठई जनक अनेक सुसारा।।
तुरग लाख रथ सहस पचीसा। सकल सँवारे नख अरु सीसा।।
मत्त सहस दस सिंधुर साजे। जिन्हहि देखि दिसिकुंजर लाजे।।
कनक बसन मनि भरि भरि जाना। महिषीं धेनु बस्तु बिधि नाना।।
Purabasi suni chalihi barata, bujhat bikal paraspar bata
Satya gavanu suni sab bilakhane, manahun sanjh sarasij sakuchane
Jaham jaham avat base barati, taham taham siddha chala bahu bhanti
Bibidh bhanti meva pakavana, bhojan saju na jai bakhana
Bhari bhari basaham apar kahara, pathai janak anek susara
Turag lakh rath sahas pachisa, sakal sanvare nakh aru sisa
Matta sahas das sindhur saje, jinhahi dekhi disikunjar laje
Kanak basan mani bhari bhari jana, mahishin dhenu bastu bidhi nana
334.2
Doha/soratha
दाइज अमित न सकिअ कहि दीन्ह बिदेहँ बहोरि।
जो अवलोकत लोकपति लोक संपदा थोरि ॥333॥
Daij amit na sakia kahi dinha bideham bahori
Jo avalokat lokapati lok sampada thori