UtshovDoha 332
332.1
Chaupai
दंड प्रनाम सबहि नृप कीन्हे। पूजि सप्रेम बरासन दीन्हे।।
चारि लच्छ बर धेनु मगाई। कामसुरभि सम सील सुहाई।।
सब बिधि सकल अलंकृत कीन्हीं। मुदित महिप महिदेवन्ह दीन्हीं।।
करत बिनय बहु बिधि नरनाहू। लहेउँ आजु जग जीवन लाहू।।
पाइ असीस महीसु अनंदा। लिए बोलि पुनि जाचक बृंदा।।
कनक बसन मनि हय गय स्यंदन। दिए बूझि रुचि रबिकुलनंदन।।
चले पढ़त गावत गुन गाथा। जय जय जय दिनकर कुल नाथा।।
एहि बिधि राम बिआह उछाहू। सकइ न बरनि सहस मुख जाहू।।
Dand pranam sabahi nrip kinhe, puji saprem barasan dinhe
Chari lachchha bar dhenu magai, kamasurabhi sam sil suhai
Sab bidhi sakal alankrit kinhin, mudit mahip mahidevanha dinhin
Karat binay bahu bidhi naranahu, laheum aju jag jivan lahu
Pai asis mahisu ananda, lie boli puni jachak brinda
Kanak basan mani hay gay syandan, die bujhi ruchi rabikulanandan
Chale parhat gavat gun gatha, jay jay jay dinakar kul natha
Ehi bidhi ram biah uchhahu, sakai na barani sahas mukh jahu
332.2
Doha/soratha
बार बार कौसिक चरन सीसु नाइ कह राउ।
यह सबु सुखु मुनिराज तव कृपा कटाच्छ पसाउ ॥331॥
Bar bar kausik charan sisu nai kah rau
Yah sabu sukhu muniraj tav kripa katachchha pasau