UtshovDoha 303
303.1
Chaupai
सहित बसिष्ठ सोह नृप कैसें। सुर गुर संग पुरंदर जैसें।।
करि कुल रीति बेद बिधि राऊ। देखि सबहि सब भाँति बनाऊ।।
सुमिरि रामु गुर आयसु पाई। चले महीपति संख बजाई।।
हरषे बिबुध बिलोकि बराता। बरषहिं सुमन सुमंगल दाता।।
भयउ कोलाहल हय गय गाजे। ब्योम बरात बाजने बाजे।।
सुर नर नारि सुमंगल गाई। सरस राग बाजहिं सहनाई।।
घंट घंटि धुनि बरनि न जाहीं। सरव करहिं पाइक फहराहीं।।
करहिं बिदूषक कौतुक नाना। हास कुसल कल गान सुजाना ।
Sahit basishtha soh nrip kaisen, sur gur sang purandar jaisen
Kari kul riti bed bidhi rau, dekhi sabahi sab bhanti banau
Sumiri ramu gur ayasu pai, chale mahipati sankh bajai
Harashe bibudh biloki barata, barashahin suman sumangal data
Bhayau kolahal hay gay gaje, byom barat bajane baje
Sur nar nari sumangal gai, saras rag bajahin sahanai
Ghant ghanti dhuni barani na jahin, sarav karahin paik phaharahin
Karahin bidushak kautuk nana, has kusal kal gan sujana
303.2
Doha/soratha
तुरग नचावहिं कुँअर बर अकनि मृदंग निसान।।
नागर नट चितवहिं चकित डगहिं न ताल बँधान ॥302॥
Turag nachavahin kunar bar akani mridang nisan
Nagar nat chitavahin chakit dagahin na tal bandhan