UtshovDoha 299
299.1
Chaupai
भूप भरत पुनि लिए बोलाई। हय गय स्यंदन साजहु जाई।।
चलहु बेगि रघुबीर बराता। सुनत पुलक पूरे दोउ भ्राता।।
भरत सकल साहनी बोलाए। आयसु दीन्ह मुदित उठि धाए।।
रचि रुचि जीन तुरग तिन्ह साजे। बरन बरन बर बाजि बिराजे।।
सुभग सकल सुठि चंचल करनी। अय इव जरत धरत पग धरनी।।
नाना जाति न जाहिं बखाने। निदरि पवनु जनु चहत उड़ाने।।
तिन्ह सब छयल भए असवारा। भरत सरिस बय राजकुमारा।।
सब सुंदर सब भूषनधारी। कर सर चाप तून कटि भारी।।
Bhup bharat puni lie bolai, hay gay syandan sajahu jai
Chalahu begi raghubir barata, sunat pulak pure dou bhrata
Bharat sakal sahani bolae, ayasu dinha mudit uthi dhae
Rachi ruchi jin turag tinha saje, baran baran bar baji biraje
Subhag sakal suthi chanchal karani, ay iv jarat dharat pag dharani
Nana jati na jahin bakhane, nidari pavanu janu chahat urane
Tinha sab chhayal bhae asavara, bharat saris bay rajakumara
Sab sundar sab bhushanadhari, kar sar chap tun kati bhari
299.2
Doha/soratha
छरे छबीले छयल सब सूर सुजान नबीन।
जुग पदचर असवार प्रति जे असिकला प्रबीन ॥298॥
Chhare chhabile chhayal sab sur sujan nabin
Jug padachar asavar prati je asikala prabin