UtshovDoha 296
296.1
Chaupai
राजा सबु रनिवास बोलाई। जनक पत्रिका बाचि सुनाई।।
सुनि संदेसु सकल हरषानीं। अपर कथा सब भूप बखानीं।।
प्रेम प्रफुल्लित राजहिं रानी। मनहुँ सिखिनि सुनि बारिद बनी।।
मुदित असीस देहिं गुरु नारीं। अति आनंद मगन महतारीं।।
लेहिं परस्पर अति प्रिय पाती। हृदयँ लगाइ जुड़ावहिं छाती।।
राम लखन कै कीरति करनी। बारहिं बार भूपबर बरनी।।
मुनि प्रसादु कहि द्वार सिधाए। रानिन्ह तब महिदेव बोलाए।।
दिए दान आनंद समेता। चले बिप्रबर आसिष देता।।
Raja sabu ranivas bolai, janak patrika bachi sunai
Suni sandesu sakal harashanin, apar katha sab bhup bakhanin
Prem praphullit rajahin rani, manahun sikhini suni barid bani
Mudit asis dehin guru narin, ati anand magan mahatarin
Lehin paraspar ati priy pati, hridayam lagai juravahin chhati
Ram lakhan kai kirati karani, barahin bar bhupabar barani
Muni prasadu kahi dvar sidhae, raninha tab mahidev bolae
Die dan anand sameta, chale biprabar asish deta
296.2
Doha/soratha
जाचक लिए हँकारि दीन्हि निछावरि कोटि बिधि।
चिरु जीवहुँ सुत चारि चक्रबर्ति दसरत्थ के ॥295॥
Jachak lie hankari dinhi nichhavari koti bidhi
Chiru jivahun sut chari chakrabarti dasarattha ke