UtshovDoha 288
288.1
Chaupai
दूत अवधपुर पठवहु जाई। आनहिं नृप दसरथहि बोलाई।।
मुदित राउ कहि भलेहिं कृपाला। पठए दूत बोलि तेहि काला।।
बहुरि महाजन सकल बोलाए। आइ सबन्हि सादर सिर नाए।।
हाट बाट मंदिर सुरबासा। नगरु सँवारहु चारिहुँ पासा।।
हरषि चले निज निज गृह आए। पुनि परिचारक बोलि पठाए।।
रचहु बिचित्र बितान बनाई। सिर धरि बचन चले सचु पाई।।
पठए बोलि गुनी तिन्ह नाना। जे बितान बिधि कुसल सुजाना।।
बिधिहि बंदि तिन्ह कीन्ह अरंभा। बिरचे कनक कदलि के खंभा।।
Dut avadhapur pathavahu jai, anahin nrip dasarathahi bolai
Mudit rau kahi bhalehin kripala, pathae dut boli tehi kala
Bahuri mahajan sakal bolae, ai sabanhi sadar sir nae
Hat bat mandir surabasa, nagaru sanvarahu charihun pasa
Harashi chale nij nij grih ae, puni paricharak boli pathae
Rachahu bichitra bitan banai, sir dhari bachan chale sachu pai
Pathae boli guni tinha nana, je bitan bidhi kusal sujana
Bidhihi bandi tinha kinha arambha, birache kanak kadali ke khambha
288.2
Doha/soratha
हरित मनिन्ह के पत्र फल पदुमराग के फूल।
रचना देखि बिचित्र अति मनु बिरंचि कर भूल ॥287॥
Harit maninha ke patra phal padumarag ke phul
Rachana dekhi bichitra ati manu biranchi kar bhul