UtshovDoha 270
270.1
Chaupai
देखत भृगुपति बेषु कराला। उठे सकल भय बिकल भुआला।।
पितु समेत कहि कहि निज नामा। लगे करन सब दंड प्रनामा।।
जेहि सुभायँ चितवहिं हितु जानी। सो जानइ जनु आइ खुटानी।।
जनक बहोरि आइ सिरु नावा। सीय बोलाइ प्रनामु करावा।।
आसिष दीन्हि सखीं हरषानीं। निज समाज लै गई सयानीं।।
बिस्वामित्रु मिले पुनि आई। पद सरोज मेले दोउ भाई।।
रामु लखनु दसरथ के ढोटा। दीन्हि असीस देखि भल जोटा।।
रामहि चितइ रहे थकि लोचन। रूप अपार मार मद मोचन।।
Dekhat bhrigupati beshu karala, uthe sakal bhay bikal bhuala
Pitu samet kahi kahi nij nama, lage karan sab dand pranama
Jehi subhayam chitavahin hitu jani, so janai janu ai khutani
Janak bahori ai siru nava, siy bolai pranamu karava
Asish dinhi sakhin harashanin, nij samaj lai gai sayanin
Bisvamitru mile puni ai, pad saroj mele dou bhai
Ramu lakhanu dasarath ke dhota, dinhi asis dekhi bhal jota
Ramahi chitai rahe thaki lochan, rup apar mar mad mochan
270.2
Doha/soratha
बहुरि बिलोकि बिदेह सन कहहु काह अति भीर।।
पूछत जानि अजान जिमि ब्यापेउ कोपु सरीर ॥269॥
Bahuri biloki bideh san kahahu kah ati bhir
Puchhat jani ajan jimi byapeu kopu sarir