UtshovDoha 262
262.1
Chaupai
देखी बिपुल बिकल बैदेही। निमिष बिहात कलप सम तेही।।
तृषित बारि बिनु जो तनु त्यागा। मुएँ करइ का सुधा तड़ागा।।
का बरषा सब कृषी सुखानें। समय चुकें पुनि का पछितानें।।
अस जियँ जानि जानकी देखी। प्रभु पुलके लखि प्रीति बिसेषी।।
गुरहि प्रनामु मनहि मन कीन्हा। अति लाघवँ उठाइ धनु लीन्हा।।
दमकेउ दामिनि जिमि जब लयऊ। पुनि नभ धनु मंडल सम भयऊ।।
लेत चढ़ावत खैंचत गाढ़ें। काहुँ न लखा देख सबु ठाढ़ें।।
तेहि छन राम मध्य धनु तोरा। भरे भुवन धुनि घोर कठोरा।।
Dekhi bipul bikal baidehi, nimish bihat kalap sam tehi
Trishit bari binu jo tanu tyaga, muem karai ka sudha taraga
Ka barasha sab krishi sukhanen, samay chuken puni ka pachhitanen
As jiyam jani janaki dekhi, prabhu pulake lakhi priti biseshi
Gurahi pranamu manahi man kinha, ati laghavam uthai dhanu linha
Damakeu damini jimi jab layau, puni nabh dhanu mandal sam bhayau
Let charhavat khainchat garhen, kahun na lakha dekh sabu tharhen
Tehi chhan ram madhya dhanu tora, bhare bhuvan dhuni ghor kathora
262.2
Chhand
भरे भुवन घोर कठोर रव रबि बाजि तजि मारगु चले।
चिक्करहिं दिग्गज डोल महि अहि कोल कूरुम कलमले।।
सुर असुर मुनि कर कान दीन्हें सकल बिकल बिचारहीं।
कोदंड खंडेउ राम तुलसी जयति बचन उचारही।।
Bhare bhuvan ghor kathor rav rabi baji taji maragu chale
Chikkarahin diggaj dol mahi ahi kol kurum kalamale
Sur asur muni kar kan dinhen sakal bikal bicharahin
Kodand khandeu ram tulasi jayati bachan ucharahi
262.3
Doha/soratha
संकर चापु जहाजु सागरु रघुबर बाहुबलु।
बूड़ सो सकल समाजु चढ़ा जो प्रथमहिं मोह बस ॥261॥
Sankar chapu jahaju sagaru raghubar bahubalu
Bur so sakal samaju charha jo prathamahin moh bas