UtshovDoha 242
242.1
Chaupai
राजकुअँर तेहि अवसर आए। मनहुँ मनोहरता तन छाए।।
गुन सागर नागर बर बीरा। सुंदर स्यामल गौर सरीरा।।
राज समाज बिराजत रूरे। उडगन महुँ जनु जुग बिधु पूरे।।
जिन्ह कें रही भावना जैसी। प्रभु मूरति तिन्ह देखी तैसी।।
देखहिं रूप महा रनधीरा। मनहुँ बीर रसु धरें सरीरा।।
डरे कुटिल नृप प्रभुहि निहारी। मनहुँ भयानक मूरति भारी।।
रहे असुर छल छोनिप बेषा। तिन्ह प्रभु प्रगट कालसम देखा।।
पुरबासिन्ह देखे दोउ भाई। नरभूषन लोचन सुखदाई।।
Rajakuanr tehi avasar ae, manahun manoharata tan chhae
Gun sagar nagar bar bira, sundar syamal gaur sarira
Raj samaj birajat rure, udagan mahun janu jug bidhu pure
Jinha ken rahi bhavana jaisi, prabhu murati tinha dekhi taisi
Dekhahin rup maha ranadhira, manahun bir rasu dharen sarira
Dare kutil nrip prabhuhi nihari, manahun bhayanak murati bhari
Rahe asur chhal chhonip besha, tinha prabhu pragat kalasam dekha
Purabasinha dekhe dou bhai, narabhushan lochan sukhadai
242.2
Doha/soratha
नारि बिलोकहिं हरषि हियँ निज निज रुचि अनुरूप।
जनु सोहत सिंगार धरि मूरति परम अनूप ॥241॥
Nari bilokahin harashi hiyam nij nij ruchi anurup
Janu sohat singar dhari murati param anup