UtshovDoha 227
227.1
Chaupai
निसि प्रबेस मुनि आयसु दीन्हा। सबहीं संध्याबंदनु कीन्हा।।
कहत कथा इतिहास पुरानी। रुचिर रजनि जुग जाम सिरानी।।
मुनिबर सयन कीन्हि तब जाई। लगे चरन चापन दोउ भाई।।
जिन्ह के चरन सरोरुह लागी। करत बिबिध जप जोग बिरागी।।
तेइ दोउ बंधु प्रेम जनु जीते। गुर पद कमल पलोटत प्रीते।।
बारबार मुनि अग्या दीन्ही। रघुबर जाइ सयन तब कीन्ही।।
चापत चरन लखनु उर लाएँ। सभय सप्रेम परम सचु पाएँ।।
पुनि पुनि प्रभु कह सोवहु ताता। पौढ़े धरि उर पद जलजाता।।
Nisi prabes muni ayasu dinha, sabahin sandhyabandanu kinha
Kahat katha itihas purani, ruchir rajani jug jam sirani
Munibar sayan kinhi tab jai, lage charan chapan dou bhai
Jinha ke charan saroruh lagi, karat bibidh jap jog biragi
Tei dou bandhu prem janu jite, gur pad kamal palotat prite
Barabar muni agya dinhi, raghubar jai sayan tab kinhi
Chapat charan lakhanu ur laem, sabhay saprem param sachu paem
Puni puni prabhu kah sovahu tata, paurhe dhari ur pad jalajata
227.2
Doha/soratha
उठे लखन निसि बिगत सुनि अरुनसिखा धुनि कान।।
गुर तें पहिलेहिं जगतपति जागे रामु सुजान ॥226॥
Uthe lakhan nisi bigat suni arunasikha dhuni kan
Gur ten pahilehin jagatapati jage ramu sujan