UtshovDoha 225
225.1
Chaupai
पुर पूरब दिसि गे दोउ भाई। जहँ धनुमख हित भूमि बनाई।।
अति बिस्तार चारु गच ढारी। बिमल बेदिका रुचिर सँवारी।।
चहुँ दिसि कंचन मंच बिसाला। रचे जहाँ बेठहिं महिपाला।।
तेहि पाछें समीप चहुँ पासा। अपर मंच मंडली बिलासा।।
कछुक ऊँचि सब भाँति सुहाई। बैठहिं नगर लोग जहँ जाई।।
तिन्ह के निकट बिसाल सुहाए। धवल धाम बहुबरन बनाए।।
जहँ बैंठैं देखहिं सब नारी। जथा जोगु निज कुल अनुहारी।।
पुर बालक कहि कहि मृदु बचना। सादर प्रभुहि देखावहिं रचना।।
Pur purab disi ge dou bhai, jaham dhanumakh hit bhumi banai
Ati bistar charu gach dhari, bimal bedika ruchir sanvari
Chahun disi kanchan manch bisala, rache jahan bethahin mahipala
Tehi pachhen samip chahun pasa, apar manch mandali bilasa
Kachhuk unchi sab bhanti suhai, baithahin nagar log jaham jai
Tinha ke nikat bisal suhae, dhaval dham bahubaran banae
Jaham bainthain dekhahin sab nari, jatha jogu nij kul anuhari
Pur balak kahi kahi mridu bachana, sadar prabhuhi dekhavahin rachana
225.2
Doha/soratha
सब सिसु एहि मिस प्रेमबस परसि मनोहर गात।
तन पुलकहिं अति हरषु हियँ देखि देखि दोउ भ्रात ॥224॥
Sab sisu ehi mis premabas parasi manohar gat
Tan pulakahin ati harashu hiyam dekhi dekhi dou bhrat