UtshovDoha 22
22.1
Chaupai
समुझत सरिस नाम अरु नामी। प्रीति परसपर प्रभु अनुगामी।।
नाम रूप दुइ ईस उपाधी। अकथ अनादि सुसामुझि साधी।।
को बड़ छोट कहत अपराधू। सुनि गुन भेद समुझिहहिं साधू।।
देखिअहिं रूप नाम आधीना। रूप ग्यान नहिं नाम बिहीना।।
रूप बिसेष नाम बिनु जानें। करतल गत न परहिं पहिचानें।।
सुमिरिअ नाम रूप बिनु देखें। आवत हृदयँ सनेह बिसेषें।।
नाम रूप गति अकथ कहानी। समुझत सुखद न परति बखानी।।
अगुन सगुन बिच नाम सुसाखी। उभय प्रबोधक चतुर दुभाषी।।
Samujhat saris nam aru nami, priti parasapar prabhu anugami
Nam rup dui is upadhi, akath anadi susamujhi sadhi
Ko bar chhot kahat aparadhu, suni gun bhed samujhihahin sadhu
Dekhiahin rup nam adhina, rup gyan nahin nam bihina
Rup bisesh nam binu janen, karatal gat na parahin pahichanen
Sumiria nam rup binu dekhen, avat hridayam saneh biseshen
Nam rup gati akath kahani, samujhat sukhad na parati bakhani
Agun sagun bich nam susakhi, ubhay prabodhak chatur dubhashi
22.2
Doha/soratha
राम नाम मनिदीप धरु जीह देहरी द्वार।
तुलसी भीतर बाहेरहुँ जौं चाहसि उजिआर ॥21॥
Ram nam manidip dharu jih dehari dvar
Tulasi bhitar baherahun jaun chahasi ujiar