UtshovDoha 206
206.1
Chaupai
बंधु सखा संग लेहिं बोलाई। बन मृगया नित खेलहिं जाई।।
पावन मृग मारहिं जियँ जानी। दिन प्रति नृपहि देखावहिं आनी।।
जे मृग राम बान के मारे। ते तनु तजि सुरलोक सिधारे।।
अनुज सखा सँग भोजन करहीं। मातु पिता अग्या अनुसरहीं।।
जेहि बिधि सुखी होहिं पुर लोगा। करहिं कृपानिधि सोइ संजोगा।।
बेद पुरान सुनहिं मन लाई। आपु कहहिं अनुजन्ह समुझाई।।
प्रातकाल उठि कै रघुनाथा। मातु पिता गुरु नावहिं माथा।।
आयसु मागि करहिं पुर काजा। देखि चरित हरषइ मन राजा।।
Bandhu sakha sang lehin bolai, ban mrigaya nit khelahin jai
Pavan mrig marahin jiyam jani, din prati nripahi dekhavahin ani
Je mrig ram ban ke mare, te tanu taji suralok sidhare
Anuj sakha sang bhojan karahin, matu pita agya anusarahin
Jehi bidhi sukhi hohin pur loga, karahin kripanidhi soi sanjoga
Bed puran sunahin man lai, apu kahahin anujanha samujhai
Pratakal uthi kai raghunatha, matu pita guru navahin matha
Ayasu magi karahin pur kaja, dekhi charit harashai man raja
206.2
Doha/soratha
ब्यापक अकल अनीह अज निर्गुन नाम न रूप।
भगत हेतु नाना बिधि करत चरित्र अनूप ॥205॥
Byapak akal anih aj nirgun nam na rup
Bhagat hetu nana bidhi karat charitra anup