UtshovDoha 19
19.1
Chaupai
कपिपति रीछ निसाचर राजा। अंगदादि जे कीस समाजा।।
बंदउँ सब के चरन सुहाए। अधम सरीर राम जिन्ह पाए।।
रघुपति चरन उपासक जेते। खग मृग सुर नर असुर समेते।।
बंदउँ पद सरोज सब केरे। जे बिनु काम राम के चेरे।।
सुक सनकादि भगत मुनि नारद। जे मुनिबर बिग्यान बिसारद।।
प्रनवउँ सबहिं धरनि धरि सीसा। करहु कृपा जन जानि मुनीसा।।
जनकसुता जग जननि जानकी। अतिसय प्रिय करुना निधान की।।
ताके जुग पद कमल मनावउँ। जासु कृपाँ निरमल मति पावउँ।।
पुनि मन बचन कर्म रघुनायक। चरन कमल बंदउँ सब लायक।।
राजिवनयन धरें धनु सायक। भगत बिपति भंजन सुख दायक।।
Kapipati richh nisachar raja, angadadi je kis samaja
Bandaum sab ke charan suhae, adham sarir ram jinha pae
Raghupati charan upasak jete, khag mrig sur nar asur samete
Bandaum pad saroj sab kere, je binu kam ram ke chere
Suk sanakadi bhagat muni narad, je munibar bigyan bisarad
Pranavaum sabahin dharani dhari sisa, karahu kripa jan jani munisa
Janakasuta jag janani janaki, atisay priy karuna nidhan ki
Take jug pad kamal manavaum, jasu kripan niramal mati pavaum
Puni man bachan karma raghunayak, charan kamal bandaum sab layak
Rajivanayan dharen dhanu sayak, bhagat bipati bhanjan sukh dayak
19.2
Doha/soratha
गिरा अरथ जल बीचि सम कहिअत भिन्न न भिन्न।
बदउँ सीता राम पद जिन्हहि परम प्रिय खिन्न ॥18॥
Gira arath jal bichi sam kahiat bhinna na bhinna
Badaum sita ram pad jinhahi param priy khinna