UtshovDoha 168
168.1
Chaupai
सुनु नृप बिबिध जतन जग माहीं। कष्टसाध्य पुनि होहिं कि नाहीं।।
अहइ एक अति सुगम उपाई। तहाँ परंतु एक कठिनाई।।
मम आधीन जुगुति नृप सोई। मोर जाब तव नगर न होई।।
आजु लगें अरु जब तें भयऊँ। काहू के गृह ग्राम न गयऊँ।।
जौं न जाउँ तव होइ अकाजू। बना आइ असमंजस आजू।।
सुनि महीस बोलेउ मृदु बानी। नाथ निगम असि नीति बखानी।।
बड़े सनेह लघुन्ह पर करहीं। गिरि निज सिरनि सदा तृन धरहीं।।
जलधि अगाध मौलि बह फेनू। संतत धरनि धरत सिर रेनू।।
Sunu nrip bibidh jatan jag mahin, kashtasadhya puni hohin ki nahin
Ahai ek ati sugam upai, tahan parantu ek kathinai
Mam adhin juguti nrip soi, mor jab tav nagar na hoi
Aju lagen aru jab ten bhayaum, kahu ke grih gram na gayaum
Jaun na jaum tav hoi akaju, bana ai asamanjas aju
Suni mahis boleu mridu bani, nath nigam asi niti bakhani
Bare saneh laghunha par karahin, giri nij sirani sada trin dharahin
Jaladhi agadh mauli bah phenu, santat dharani dharat sir renu
168.2
Doha/soratha
अस कहि गहे नरेस पद स्वामी होहु कृपाल।
मोहि लागि दुख सहिअ प्रभु सज्जन दीनदयाल ॥167॥
As kahi gahe nares pad svami hohu kripal
Mohi lagi dukh sahia prabhu sajjan dinadayal