UtshovDoha 155
155.1
Chaupai
नृप हितकारक सचिव सयाना। नाम धरमरुचि सुक्र समाना।।
सचिव सयान बंधु बलबीरा। आपु प्रतापपुंज रनधीरा।।
सेन संग चतुरंग अपारा। अमित सुभट सब समर जुझारा।।
सेन बिलोकि राउ हरषाना। अरु बाजे गहगहे निसाना।।
बिजय हेतु कटकई बनाई। सुदिन साधि नृप चलेउ बजाई।।
जँह तहँ परीं अनेक लराईं। जीते सकल भूप बरिआई।।
सप्त दीप भुजबल बस कीन्हे। लै लै दंड छाड़ि नृप दीन्हें।।
सकल अवनि मंडल तेहि काला। एक प्रतापभानु महिपाला।।
Nrip hitakarak sachiv sayana, nam dharamaruchi sukra samana
Sachiv sayan bandhu balabira, apu pratapapunj ranadhira
Sen sang chaturang apara, amit subhat sab samar jujhara
Sen biloki rau harashana, aru baje gahagahe nisana
Bijay hetu katakai banai, sudin sadhi nrip chaleu bajai
Janh taham parin anek laraim, jite sakal bhup bariai
Sapta dip bhujabal bas kinhe, lai lai dand chhari nrip dinhen
Sakal avani mandal tehi kala, ek pratapabhanu mahipala
155.2
Doha/soratha
स्वबस बिस्व करि बाहुबल निज पुर कीन्ह प्रबेसु।
अरथ धरम कामादि सुख सेवइ समयँ नरेसु ॥154॥
Svabas bisva kari bahubal nij pur kinha prabesu
Arath dharam kamadi sukh sevai samayam naresu