UtshovDoha 143
143.1
Chaupai
स्वायंभू मनु अरु सतरूपा। जिन्ह तें भै नरसृष्टि अनूपा।।
दंपति धरम आचरन नीका। अजहुँ गाव श्रुति जिन्ह कै लीका।।
नृप उत्तानपाद सुत तासू। ध्रुव हरि भगत भयउ सुत जासू।।
लघु सुत नाम प्रिय्रब्रत ताही। बेद पुरान प्रसंसहि जाही।।
देवहूति पुनि तासु कुमारी। जो मुनि कर्दम कै प्रिय नारी।।
आदिदेव प्रभु दीनदयाला। जठर धरेउ जेहिं कपिल कृपाला।।
सांख्य सास्त्र जिन्ह प्रगट बखाना। तत्व बिचार निपुन भगवाना।।
तेहिं मनु राज कीन्ह बहु काला। प्रभु आयसु सब बिधि प्रतिपाला।।
Svayambhu manu aru satarupa, jinha ten bhai narasrishti anupa
Dampati dharam acharan nika, ajahun gav shruti jinha kai lika
Nrip uttanapad sut tasu, dhruv hari bhagat bhayau sut jasu
Laghu sut nam priyrabrat tahi, bed puran prasansahi jahi
Devahuti puni tasu kumari, jo muni kardam kai priy nari
Adidev prabhu dinadayala, jathar dhareu jehin kapil kripala
Sankhya sastra jinha pragat bakhana, tatva bichar nipun bhagavana
Tehin manu raj kinha bahu kala, prabhu ayasu sab bidhi pratipala
143.2
Doha/soratha
होइ न बिषय बिराग भवन बसत भा चौथपन।
हृदयँ बहुत दुख लाग जनम गयउ हरिभगति बिनु ॥142॥
Hoi na bishay birag bhavan basat bha chauthapan
Hridayam bahut dukh lag janam gayau haribhagati binu