UtshovDoha 141
141.1
Chaupai
एहि बिधि जनम करम हरि केरे। सुंदर सुखद बिचित्र घनेरे।।
कलप कलप प्रति प्रभु अवतरहीं। चारु चरित नानाबिधि करहीं।।
तब तब कथा मुनीसन्ह गाई। परम पुनीत प्रबंध बनाई।।
बिबिध प्रसंग अनूप बखाने। करहिं न सुनि आचरजु सयाने।।
हरि अनंत हरिकथा अनंता। कहहिं सुनहिं बहुबिधि सब संता।।
रामचंद्र के चरित सुहाए। कलप कोटि लगि जाहिं न गाए।।
यह प्रसंग मैं कहा भवानी। हरिमायाँ मोहहिं मुनि ग्यानी।।
प्रभु कौतुकी प्रनत हितकारी।।सेवत सुलभ सकल दुख हारी।।
Ehi bidhi janam karam hari kere, sundar sukhad bichitra ghanere
Kalap kalap prati prabhu avatarahin, charu charit nanabidhi karahin
Tab tab katha munisanha gai, param punit prabandh banai
Bibidh prasang anup bakhane, karahin na suni acharaju sayane
Hari anant harikatha ananta, kahahin sunahin bahubidhi sab santa
Ramachandra ke charit suhae, kalap koti lagi jahin na gae
Yah prasang main kaha bhavani, harimayan mohahin muni gyani
Prabhu kautuki pranat hitakari, sevat sulabh sakal dukh hari
141.2
Doha/soratha
सुर नर मुनि कोउ नाहिं जेहि न मोह माया प्रबल।।
अस बिचारि मन माहिं भजिअ महामाया पतिहि ॥140॥
Sur nar muni kou nahin jehi na moh maya prabal
As bichari man mahin bhajia mahamaya patihi