UtshovDoha 139
139.1
Chaupai
जब हरि माया दूरि निवारी। नहिं तहँ रमा न राजकुमारी।।
तब मुनि अति सभीत हरि चरना। गहे पाहि प्रनतारति हरना।।
मृषा होउ मम श्राप कृपाला। मम इच्छा कह दीनदयाला।।
मैं दुर्बचन कहे बहुतेरे। कह मुनि पाप मिटिहिं किमि मेरे।।
जपहु जाइ संकर सत नामा। होइहि हृदयँ तुरंत बिश्रामा।।
कोउ नहिं सिव समान प्रिय मोरें। असि परतीति तजहु जनि भोरें।।
जेहि पर कृपा न करहिं पुरारी। सो न पाव मुनि भगति हमारी।।
अस उर धरि महि बिचरहु जाई। अब न तुम्हहि माया निअराई।।
Jab hari maya duri nivari, nahin taham rama na rajakumari
Tab muni ati sabhit hari charana, gahe pahi pranatarati harana
Mrisha hou mam shrap kripala, mam ichchha kah dinadayala
Main durbachan kahe bahutere, kah muni pap mitihin kimi mere
Japahu jai sankar sat nama, hoihi hridayam turant bishrama
Kou nahin siv saman priy moren, asi paratiti tajahu jani bhoren
Jehi par kripa na karahin purari, so na pav muni bhagati hamari
As ur dhari mahi bicharahu jai, ab na tumhahi maya niarai
139.2
Doha/soratha
बहुबिधि मुनिहि प्रबोधि प्रभु तब भए अंतरधान।।
सत्यलोक नारद चले करत राम गुन गान ॥138॥
Bahubidhi munihi prabodhi prabhu tab bhae antaradhan
Satyalok narad chale karat ram gun gan